ਕਪਤਾਨ ਸ਼ੁਭਮਨ ਗਿੱਲ ਦੱਖਣੀ ਅਫਰੀਕਾ ਵਿਰੁੱਧ ਹੋਣ ਵਾਲੀ ਤਿੰਨ ਮੈਚਾਂ ਦੀ ਇਕ ਰੋਜ਼ਾ ਲੜੀ ਤੋਂ ਬਾਹਰ ਹੋ ਸਕਦੇ ਹਨ। ਬੀਸੀਸੀਆਈ ਦੇ ਹਵਾਲੇ ਨਾਲ ਇਹ ਖਬਰ ਸਾਹਮਣੇ ਆਈ ਹੈ। ਵਿਕਟਕੀਪਰ-ਬੱਲੇਬਾਜ਼ ਰਿਸ਼ਭ ਪੰਤ ਅਤੇ ਸੀਨੀਅਰ ਖਿਡਾਰੀ ਕੇ.ਐਲ. ਰਾਹੁਲ ਦੇ ਨਾਵਾਂ 'ਤੇ ਸਟੌਪ-ਗੈਪ ਕਪਤਾਨੀ ਲਈ ਵਿਚਾਰ ਕੀਤਾ ਜਾ ਸਕਦਾ ਹੈ, ਹਾਲਾਂਕਿ ਤਜ਼ਰਬੇਕਾਰ ਰੋਹਿਤ ਸ਼ਰਮਾ ਵੀ ਟੀਮ ਵਿਚ ਹਨ।ਬੀ.ਸੀ.ਸੀ.ਆਈ. ਦੇ ਭਰੋਸੇਯੋਗ ਸੂਤਰਾਂ ਅਨੁਸਾਰ, ਗਿੱਲ ਦੀ ਸੱਟ ਸਿਰਫ਼ ਗਰਦਨ ਦੀਆਂ ਮਾਸਪੇਸ਼ੀਆਂ ਤੱਕ ਸੀਮਤ ਨਹੀਂ ਹੈ, ਉਸਨੂੰ ਵਿਆਪਕ ਆਰਾਮ ਦੀ ਲੋੜ ਹੋਵੇਗੀ ਅਤੇ ਇਸ ਲਈ ਭਾਰਤੀ ਟੀਮ ਪ੍ਰਬੰਧਨ ਉਸਨੂੰ ਜਲਦੀ ਤੋਂ ਜਲਦੀ ਵਾਪਸ ਲਿਆਉਣ ਦਾ ਜੋਖਮ ਨਹੀਂ ਲੈਣਾ ਚਾਹੇਗਾ। ਕੋਲਕਾਤਾ ਵਿਚ ਪਹਿਲੇ ਟੈਸਟ ਵਿਚ ਬੱਲੇਬਾਜ਼ੀ ਕਰਦੇ ਸਮੇਂ ਵ੍ਹਿਪਲੈਸ਼ ਦਾ ਸ਼ਿਕਾਰ ਹੋਏ ਗਿੱਲ ਨੂੰ ਸੱਟ ਕਾਰਨ ਗੁਹਾਟੀ ਟੈਸਟ ਤੋਂ ਬਾਹਰ ਹੋਣ ਲਈ ਮਜਬੂਰ ਹੋਣਾ ਪਿਆ। ਉਹ ਇਸ ਸਮੇਂ ਮੁੰਬਈ ਵਿਚ ਹੈ ਜਿੱਥੇ ਸੱਟ ਦੀ ਹੱਦ ਦਾ ਪਤਾ ਲਗਾਉਣ ਲਈ ਉਸਦਾ ਮੈਡੀਕਲ ਟੈਸਟ ਕੀਤਾ ਜਾ ਰਿਹਾ ਹੈ, ਜਿਸ ਵਿਚ ਐਮਆਰਆਈ ਵੀ ਸ਼ਾਮਲ ਹੈ। "ਸਾਰੇ ਟੈਸਟ ਇਹ ਪਤਾ ਲਗਾਉਣ ਲਈ ਕੀਤੇ ਜਾ ਰਹੇ ਹਨ ਕਿ ਇਹ ਮਾਸਪੇਸ਼ੀਆਂ ਦੀ ਸੱਟ ਹੈ ਜਾਂ ਨਸਾਂ ਦੇ ਟਿਸ਼ੂ ਨਾਲ ਸੰਬੰਧਤ ਕੋਈ ਸੱਟ ਹੈ, ਜਿਸ ਲਈ ਕੁਝ ਹੋਰ ਆਰਾਮ ਦੀ ਲੋੜ ਹੋਵੇਗੀ।
0 Comments